Бүгін, 2026 жылғы 6 тамызда ҚР ЕХӘҚМ Еңбекті қорғау жөніндегі республикалық ғылыми-зерттеу институтында «Еңбек қауіпсіздігі және еңбекті қорғау саласындағы оқытудың жаңа тәсілдері» тақырыбында дөңгелек үстел отырысы өтті.
Отырысқа мемлекеттік органдардың, оқыту ұйымдарының, жұмыс берушілердің, кәсіби бірлестіктердің және сарапшылар қауымдастығының өкілдері қатысып, еңбек қауіпсіздігі және еңбекті қорғау мәселелері бойынша оқыту, нұсқама беру және білімін тексеру қағидаларының жаңа редакциясына талқылау жүргізді.
Дөңгелек үстелдің модераторлары болып «ҚР ЕХӘҚМ ЕҚҒЗИ» ШЖҚ РМК Бас директорының орынбасары, қауымдастырылған профессор Әлімжан Бекмағамбетов және «Қазақстан Республикасы Өнеркәсіптік қауіпсіздік және еңбекті қорғау сарапшылары қауымдастығы» ЗТБ төрағасы, техника ғылымдарының докторы Әлім Аймурзаев сөз сөйледі. Негізгі баяндаманы Институттың Бірыңғай оқу-әдістемелік орталығының басшысы Гүлнұр Рахимова ұсынды.
Іс-шара барысында қатысушылар Қағидалардың негізгі өзгерістерін, Бірыңғай оқу-әдістемелік орталығының қызметін, оқыту ұйымдары мен лекторларға қойылатын талаптарды, оқыту және білімді тексеру процестерін цифрландыру мәселелерін, сондай-ақ жаңа талаптарды практикалық іске асыру тетіктерін талқылады. Сонымен қатар еңбек қауіпсіздігі және еңбекті қорғау саласындағы оқыту жүйесін одан әрі жетілдіруге бағытталған ұсыныстар мен пікірлер ортаға салынды.
Талқылау қорытындысы бойынша дөңгелек үстелге қатысушылар Қағидалардың жаңа редакциясының жобасын жетілдіру жөніндегі бірлескен жұмысты жалғастыру қажеттігі туралы ортақ пікірге келді. Осыған байланысты мүдделі мемлекеттік органдарға, кәсіптік бірлестіктерге, жұмыс берушілерге, оқытушы ұйымдарға және сарапшылар қауымдастығына оларды кейіннен жинақтау және құжат жобасын пысықтау барысында ескеру үшін ұсыныстар мен ескертулерді 2026 жылғы 10 тамызға дейін ұсынуды аяқтау ұсынылды.
Институт еңбек қауіпсіздігі және еңбекті қорғау саласындағы заманауи, тиімді әрі практикалық бағыттағы оқыту жүйесін дамыту жұмыстарын жүйелі түрде жалғастырып, елімізде қауіпсіз еңбек мәдениетін нығайтуға өз үлесін қоса береді.
