ЕҚРҒЗИ-дың өкілі ғылыми сарапшы ретінде
ғылыми жобаның іске асырылуына мониторинг жүргізуге қатысты
2026 жылғы 21–22 қыркүйек күндері Еңбекті қорғау жөніндегі республикалық ғылыми-зерттеу институтының ғылыми хатшысы, физика-математика ғылымдарының кандидаты, қауымдастырылған профессор Айман Сериковна Искакова ғылыми және ғылыми-техникалық жобалар мен бағдарламалардың іске асырылуына мониторинг жүргізуге ғылыми сарапшы ретінде тартылды.
Мониторинг «Ұлттық мемлекеттік ғылыми-техникалық сараптама орталығы»
акционерлік қоғамының (ҰМҒТСО) қызметі шеңберінде Қазақстан Республикасының
«Ғылым және технологиялық саясат туралы» Заңының 23-бабы 2-тармағының
5) тармақшасына сәйкес жүргізілді.
Заңнамаға сәйкес ғылыми, ғылыми-техникалық жобалар мен бағдарламалардың,
сондай-ақ ғылыми және (немесе) ғылыми-техникалық қызмет нәтижелерін
коммерцияландыру жобаларының іске асырылуына мониторинг олардың орындалу
және аяқталу кезеңдерінде жүзеге асырылады.
Мониторинг жүргізуге ғылымның әртүрлі салаларын ұсынатын Қазақстанның
жетекші ғалымдарынан құралған мониторингтік топтар тартылады. Тиісті
ғылыми біліктілігі бар мамандардың қатысуы жобалардың іске асырылу барысын,
қол жеткізілген ғылыми нәтижелерді, олардың қойылған мақсаттар мен
міндеттерге сәйкестігін, сондай-ақ жүргізіліп жатқан зерттеулердің
нәтижелілігін кешенді бағалауға мүмкіндік береді.
А.С. Искакованың мониторингтік топ жұмысына ғылыми сарапшы ретінде
қатысуы Институттың ғылыми-сараптамалық әлеуетін және Қазақстан
Республикасындағы ғылыми зерттеулерді ғылыми сараптау мен мониторингтеу
жүйесін дамытуға қосып отырған үлесін көрсетеді.
ЕҚРҒЗИ-ның ғылыми-сараптамалық қызметті одан әрі дамытуға және ғылыми
зерттеулер мен ғылыми-техникалық әзірлемелердің тиімділігін бағалаудың
мемлекеттік тетіктерін іске асыруға белсенді қатысуды жалғастырады.
